بنکاک( مانیٹرنگ ڈیسک) تھائی لینڈ میں ایک بھاری تعمیراتی کرین مسافر ٹرین پر گرنے کے نتیجے میں کم از کم 22 افراد ہلاک ہو گئے۔غیر ملکی خبر رساں ادارے کے مطابق صوبہ ناکھون رتچاسیما کے ضلع سکھیو میں یہ حادثہ پیش آیا، جب کرین اچانک ٹرین کے راستے پر گر گئی۔ حادثے کے نتیجے میں ٹرین پٹڑی سے اتر گئی اور کئی بوگیوں میں آگ بھڑک اٹھی، جس سے شدید جانی و مالی نقصان ہوا۔حکام کے مطابق متعدد افراد اب بھی ملبے میں پھنسے ہوئے ہیں اور انہیں نکالنے کے لیے ریسکیو آپریشن جاری ہے۔ زخمیوں کو قریبی ہسپتالوں میں منتقل کر دیا گیا ہے، جبکہ ریسکیو ٹیمیں اور امدادی ادارے موقع پر موجود ہیں۔حکام نے ہلاکتوں میں اضافے کا خدشہ ظاہر کیا ہے اور حادثے کی وجوہات جاننے کے لیے تحقیقات کا آغاز کر دیا گیا ہے۔
