دیپیکا پڈوکون اور رنویر سنگھ نے دوسرے بچے کی خوشخبری مداحوں سے شیئر کر دی

ممبئی( شوبر ڈیسک)بالی ووڈ کی مقبول جوڑی دیپیکا پڈوکون اور رنویر سنگھ نے اپنی دوسری خوشی کی خبر سوشل میڈیا پر شیئر کر کے مداحوں کو خوشی سے سرشار کر دیا ہے، جس کے بعد مبارکبادوں کا سلسلہ شروع ہو گیا۔جوڑے نے اتوار 19 اپریل کو اپنے سوشل میڈیا اکاؤنٹس پر ایک منفرد پوسٹ کے ذریعے دوسرے حمل کی تصدیق کی۔ اس پوسٹ میں ایک دلکش تصویر شامل تھی جس میں ان کی بیٹی دوا کو ایک مثبت حمل ٹیسٹ کٹ تھامے ہوئے دکھایا گیا، جبکہ دیپیکا اور رنویر تصویر میں موجود نہیں تھے۔اس منفرد اندازِ اعلان نے مداحوں کی توجہ حاصل کر لی اور سوشل میڈیا پر اس خبر کو خوب پذیرائی ملی۔ تاہم جوڑے کی جانب سے اس بارے میں تفصیل نہیں دی گئی کہ دوسرے بچے کی پیدائش کب متوقع ہے۔خبر سامنے آتے ہی مداحوں اور شوبز شخصیات کی بڑی تعداد نے کمنٹس کے ذریعے جوڑے کو مبارکباد دی جبکہ کئی صارفین نے دلچسپ انداز میں آنے والے بچے کی جنس کے بارے میں قیاس آرائیاں بھی شروع کر دیں۔یاد رہے کہ دیپیکا پڈوکون اور رنویر سنگھ نے 14 نومبر 2018 کو اٹلی کے علاقے لیک کومو میں ایک شاندار تقریب میں شادی کی تھی۔ بعد ازاں ستمبر 2024 میں ان کے ہاں پہلی بیٹی دوا کی پیدائش ہوئی تھی، جسے انہوں نے دیوالی کے موقع پر باقاعدہ طور پر دنیا سے متعارف کروایا تھا۔