اے آئی غلط ہاتھوں میں گئی تو اربوں زندگیاں خطرے میں پڑسکتی ہیں: بل گیٹس

نیویارک (ویب ڈیسک) مائیکروسافٹ کے بانی بل گیٹس نے مصنوعی ذہانت کے ممکنہ غلط استعمال پر دنیا کو خبردار کرتے ہوئے حکومتوں سے سخت قوانین اور کڑی نگرانی کا مطالبہ کیا ہے۔اے آئی کے حوالے سے گفتگو کرتے ہوئے بل گیٹس نے کہا کہ اگر مصنوعی ذہانت غلط ہاتھوں میں چلی گئی تو یہ اربوں انسانوں کی زندگیوں کے لیے خطرہ بن سکتی ہے۔انہوں نے کہا کہ بعض افراد مصنوعی ذہانت کو ایسے ہتھیار بنانے کے لیے استعمال کرسکتے ہیں جن کی مثال پہلے کبھی نہیں دیکھی گئی۔بل گیٹس نے حکومتوں پر زور دیا کہ وہ مصنوعی ذہانت کی نگرانی کے لیے مؤثر اقدامات کریں اور اس ٹیکنالوجی کے غلط استعمال کی روک تھام کے لیے سخت قوانین وضع کیے جائیں۔