ہر سیاسی جماعت میں جاگیردار موجود ہیں، 42 سال سے سیاست کی نرسری بند ہے: حافظ نعیم؎

کراچی (پاکستان خبر) امیر جماعت اسلامی پاکستان حافظ نعیم الرحمٰن نے کہا ہے کہ ملک کی ہر سیاسی جماعت میں جاگیردار موجود ہیں، جبکہ گزشتہ 42 برس سے پاکستان میں سیاست کی نرسری بند پڑی ہے۔کراچی میں ایک تقریب سے خطاب کرتے ہوئے حافظ نعیم الرحمٰن نے سندھ حکومت کو تنقید کا نشانہ بناتے ہوئے کہا کہ جامعہ کراچی کو صوبائی حکومت کی جانب سے گرانٹ فراہم نہیں کی جاتی، جس کے باعث یونیورسٹی کا بنیادی ڈھانچہ بھی خستہ حالی کا شکار ہے۔انہوں نے کہا کہ ماضی میں جامعہ کراچی کے لیے 125 پوائنٹس چلائے جاتے تھے۔ ان کا مطالبہ تھا کہ شہر کے ٹاؤنز آئندہ سال یونیورسٹی کے لیے مزید 10 پوائنٹس تیار کرکے فراہم کریں۔حافظ نعیم الرحمٰن کا کہنا تھا کہ مقامی ٹاؤنز کے پاس اختیارات کی کمی ہے، جبکہ تعلیم ایک قومی ایجنڈا ہے اور اس معاملے پر بھرپور آواز اٹھانے کی ضرورت ہے۔امیر جماعت اسلامی نے پیٹرول پر عائد لیوی کا ذکر کرتے ہوئے کہا کہ عوام فی لیٹر پیٹرول پر 80 روپے لیوی ادا کر رہے ہیں۔