کراچی( کامرس ڈیسک)عالمی مارکیٹ میں سونے کے نرخ گرنے کے بعد پاکستان میں بھی سونا مسلسل تیسرے روز سستا ہوگیا، جس کے نتیجے میں فی تولہ قیمت میں 3 ہزار روپے کی کمی ریکارڈ کی گئی۔دنیا نیوز کے مطابق بین الاقوامی مارکیٹ میں سونے کی فی اونس قیمت 30 ڈالر کم ہوکر 4 ہزار 90 ڈالر پر آگئی۔عالمی منڈی میں قیمتوں میں کمی کے اثرات مقامی صرافہ بازاروں میں بھی دیکھنے میں آئے، جہاں فی تولہ سونے کی قیمت 3 ہزار روپے گھٹ کر 4 لاکھ 31 ہزار 536 روپے ہوگئی۔اسی طرح 10 گرام سونے کی قیمت میں 2 ہزار 572 روپے کی کمی ہوئی، جس کے بعد نئی قیمت 3 لاکھ 69 ہزار 972 روپے ہوگئی۔دوسری جانب چاندی کی قیمت میں بھی کمی ریکارڈ کی گئی۔ فی تولہ چاندی 121 روپے سستی ہونے کے بعد 6 ہزار 86 روپے کی ہوگئی۔
