عالمی مالیاتی ادارے پاکستان کی معاشی بہتری تسلیم کر رہے ہیں: وزیر خزانہ

اسلام آباد( کامرس ڈیسک)وفاقی وزیر خزانہ محمد اورنگزیب نے کہا ہے کہ عالمی مالیاتی ادارے بھی پاکستان کی معاشی صورتحال میں آنے والی بہتری کو تسلیم کر رہے ہیں۔ دسویں سالانہ مائیکرو فنانس کانفرنس سے آن لائن خطاب میں انہوں نے بتایا کہ حکومت معاشی استحکام کے ساتھ ادارہ جاتی اصلاحات پر بھی توجہ دے رہی ہے۔ان کے مطابق مائیکرو فنانس شعبہ مالی سہولتوں کو عام کرنے میں اہم کردار ادا کر رہا ہے اور اس کے ذریعے چھوٹے کاروباروں کو آگے بڑھانے کے مواقع پیدا کیے جا سکتے ہیں۔ انہوں نے کم آمدنی والے افراد تک مالی سہولتوں کی رسائی بڑھانے پر زور دیتے ہوئے کہا کہ ڈیجیٹل مالی خدمات مائیکرو فنانس کے فروغ کا مؤثر ذریعہ ہیں۔ وزیر خزانہ نے مزید کہا کہ مشرقِ وسطیٰ کی صورتحال کے باعث عالمی معیشت بھی متاثر ہوئی ہے۔