کراچی( کامرس ڈیسک)عالمی اور مقامی صرافہ بازاروں میں سونے اور چاندی کی قیمتوں میں کمی ریکارڈ کی گئی ہے۔بین الاقوامی بلین مارکیٹ میں سونے کی فی اونس قیمت 18 ڈالر کم ہوکر 4 ہزار 314 ڈالر کی سطح پر آگئی۔عالمی قیمتوں میں کمی کے اثرات مقامی مارکیٹ پر بھی پڑے، جہاں فی تولہ سونا 1800 روپے سستا ہوکر 4 لاکھ 53 ہزار 936 روپے کا ہوگیا۔اسی طرح 10 گرام سونے کی قیمت میں 1544 روپے کمی ہوئی، جس کے بعد نئی قیمت 3 لاکھ 89 ہزار 176 روپے مقرر ہوگئی۔چاندی کی عالمی قیمت بھی کمی کے بعد 65.30 ڈالر فی اونس ہوگئی، جبکہ مقامی سطح پر فی تولہ چاندی 30 روپے کمی سے 7008 روپے اور 10 گرام چاندی 25 روپے سستی ہوکر 6008 روپے کی ہوگئی۔
