کیلیفورنیا( ویب ڈیسک) ایپل نے نئے آئی فون 18 پرو کے کیمرے میں ایسا فیچر متعارف کرایا ہے، جس کا مقصد مصنوعی ذہانت سے تیار یا تبدیل شدہ تصاویر کی بڑھتی ہوئی تعداد سے نمٹنا ہے۔کمپنی کے مطابق ’ایپل ریفرنس امیج‘ کے ذریعے صارفین آئی فون کیمرے سے بنائی گئی تصویر کا غیر ترمیم شدہ اور قابلِ تصدیق نسخہ محفوظ کرسکیں گے۔اس سہولت سے فوٹوگرافرز یہ ثابت کرسکیں گے کہ تصویر میں نظر آنے والا منظر حقیقت میں کیمرے کے سامنے موجود تھا۔ایپل کا کہنا ہے کہ مصنوعی ذہانت کی مدد سے تصاویر میں تبدیلی اور جعلی مناظر تخلیق کرنا آسان ہوگیا ہے، جس کے باعث انٹرنیٹ پر موجود بصری مواد کی قابلِ اعتماد حیثیت ایک اہم مسئلہ بن چکی ہے۔کمپنی کے مطابق نئے فیچر کے ذریعے تصاویر کی اصلیت جانچنے کیلئے ایک اضافی ذریعہ فراہم کیا جائے گا، جبکہ آئی فون میں موجود ’کلین اپ‘ جیسے اوزار تصاویر میں موجود اشیا کو ہٹانے یا تبدیل کرنے کی سہولت بھی دیتے ہیں۔
