تازہ ترین
محسن نقوی دی گئی ذمہ داری کے مطابق کام کرتے ہیں، ایاز صادق ضیاء الرحمٰن کے مالی گوشواروں میں بڑے تضادات، اثاثوں پر سوالات اٹھ گئے ملک میں کوئی سیاسی زلزلہ یا تبدیلی آنے کا امکان نہیں، رانا ثناء اللہ مرکزی مسلم لیگ کا مریم نواز کو قانونی نوٹس، 7 روز میں معافی کا مطالبہ سابق افغان عہدیدار پر قاتلانہ حملے میں طالبان انٹیلی جنس ملوث ہونے کا دعویٰ امریکا میں پروازوں کی معطلی نائن الیون جیسا واقعہ نہیں، وزیر داخلہ کی وضاحت ٹرمپ فی الحال ایران سے جنگ نہیں چاہتے، امریکی میڈیا کی رپورٹ امریکی وزیر خارجہ کی عالمی فوجداری عدالت پر تنقید، تسلیم نہ کیے گئے قوانین مسلط کرنے سے خبردار پاکستان اسٹاک ایکسچینج میں ہفتہ وار تیزی، 100 انڈیکس 3987 پوائنٹس بڑھ گیا ٹڈاپ کا تجارتی معلومات تک رسائی بہتر بنانے کیلئے آگاہی سیشن منعقد پاکستان اور کویت کا اقتصادی تعاون، توانائی شعبے میں سرمایہ کاری بڑھانے پر اتفاق صنعتکار کیخلاف مقدمہ انتقامی کارروائی ہے، فوری واپس لیا جائے، طلعت محمود مصنوعی ذہانت اگلے 3 برس میں انسانیت کیلئے بڑا خطرہ بن سکتی ہے، سائنس دان کا انتباہ شمالی کوریا کے ہیکرز نے مصنوعی ذہانت کے ذریعے 40 کروڑ ڈالر کی کرپٹو کرنسی چرا لی اے آئی کمپنیوں میں جاسوسی کے خدشات، سابق انٹیلی جنس افسران کی بھرتیاں بڑھ گئیں مائیکروسافٹ کی عالمی سروسز معطل، 74 ممالک میں دفتری نظام متاثر
پاکستان خبر

ایران کی سخت وارننگ، حملے کیلئے سرزمین استعمال ہوئی تو جواب مختلف ہوگا

ایران کی سخت وارننگ، حملے کیلئے سرزمین استعمال ہوئی تو جواب مختلف ہوگا

تہران( مانیٹرنگ ڈیسک) ایران نے پڑوسی اور علاقائی ممالک کو خبردار کیا ہے کہ اگر آئندہ امریکا یا اسرائیل کی جانب سے ایران کے خلاف کسی حملے کے لیے ان کی سرزمین یا فوجی تنصیبات استعمال کی گئیں تو تہران کا ردعمل پہلے سے مختلف ہوگا۔ایرانی وزارت خارجہ کے ترجمان اسماعیل بقائی نے تہران میں پریس کانفرنس کرتے ہوئے کہا کہ خطے کے ممالک کو اپنے اقدامات پر نظرثانی کرنی چاہیے، خصوصاً ان ممالک کو جنہوں نے حالیہ جنگ کے دوران اپنی تنصیبات امریکا اور اسرائیل کے استعمال کے لیے فراہم کیں۔اسماعیل بقائی کا کہنا تھا کہ اگر مستقبل میں امریکا اور اسرائیل کی جانب سے ایران کے خلاف دوبارہ جارحیت کی گئی اور کسی علاقائی ملک کی سرزمین اس مقصد کے لیے استعمال ہوئی تو ایران کا ردعمل مختلف ہوگا۔انہوں نے کہا کہ تہران اپنے پڑوسی ممالک کے ساتھ تعلقات کو اہمیت دیتا ہے، تاہم اپنی سرزمین کے خلاف کارروائی کے لیے دوسرے ممالک کی سہولت کاری قبول نہیں کرے گا۔ایرانی ترجمان نے علاقائی ممالک پر زور دیا کہ وہ اپنی سرزمین اور تنصیبات ایسے فریقوں کے استعمال سے روکیں جو ایران کے مطابق خطے میں فوجی کارروائیوں کا حصہ بن رہے ہیں۔ ان کے مطابق ایران نے حالیہ عرصے میں اپنے علاقائی ہمسایوں تک اپنے تحفظات واضح طور پر پہنچائے ہیں۔یہ بیان ایسے وقت میں سامنے آیا ہے جب ایران اور امریکا کے درمیان کشیدگی برقرار ہے۔ تہران حالیہ دنوں میں یہ مؤقف بھی دہرا چکا ہے کہ کسی نئی امریکی فوجی کارروائی کی صورت میں اس کا ردعمل پہلے سے زیادہ سخت ہوسکتا ہے۔رائٹرز کے مطابق ایرانی حکام نے ممکنہ جوابی کارروائی کا دائرہ امریکی تنصیبات سے آگے ان ممالک تک بڑھانے پر بھی غور کیا ہے جو امریکی فوجی کارروائیوں کی حمایت کرتے ہیں۔دوسری جانب ایران اور امریکا کے درمیان سفارتی رابطے بھی جاری ہیں۔ تہران آبنائے ہرمز کو دوبارہ کھولنے سمیت دیگر معاملات پر اپنی شرائط پیش کرچکا ہے، جبکہ دونوں ممالک کے درمیان مذاکرات میں اہم اختلافات برقرار ہیں۔