اسلام آباد( کامرس ڈیسک) پاکستان اسٹاک ایکسچینج میں کاروباری ہفتے کے آخری روز جمعہ کو کاروبار کے آغاز پر تیزی کا رجحان دیکھا گیا، جس کے نتیجے میں کے ایس ای 100 انڈیکس 474.41 پوائنٹس اضافے کے بعد 166,660.57 پوائنٹس کی سطح پر پہنچ گیا۔اے پی پی کے مطابق ابتدائی کاروباری سیشن میں مجموعی طور پر 15 کروڑ 20 لاکھ حصص کا لین دین ہوا، جن کی مالیت 6 ارب 82 کروڑ روپے رہی۔دورانِ کاروبار 280 کمپنیوں کے حصص کی قیمتوں میں اضافہ ریکارڈ کیا گیا، جبکہ 187 کمپنیوں کے حصص سستے ہوئے اور 105 کمپنیوں کی قیمتوں میں کوئی تبدیلی نہیں آئی۔کاروباری سرگرمیوں میں پاکستان ریفائنری لمیٹڈ کے 1 کروڑ 48 لاکھ، واصل موبیلٹی مضاربہ کے 1 کروڑ 23 لاکھ 20 ہزار اور سینرجیکو پاکستان لمیٹڈ کے 1 کروڑ 42 ہزار حصص کا کاروبار ہوا۔ابتدائی سیشن میں یونی کیپ مضاربہ، کریسنٹ فائبرز لمیٹڈ اور کرم سرامکس لمیٹڈ نمایاں اضافے کے ساتھ سرفہرست کمپنیوں میں شامل رہیں۔
