استنبول( مانیٹرنگ ڈیسک)ترک وزیر خارجہ حاقان فیدان نے پاکستان، ترکیہ اور سعودی عرب کے درمیان مکہ مشترکہ دفاعی معاہدے پر تنقید کا جواب دیتے ہوئے کہا ہے کہ نئے قائم ہونے والے دفاعی اتحاد سے یمن کے 10 سالہ بحران کا فوری حل طلب کرنا مناسب نہیں۔نیویارک میں ایک سیمینار سے خطاب کرتے ہوئے حاقان فیدان نے سابق امریکی سفیر جیمز جیفری کے اتحاد کے امتحان سے متعلق سوال کے جواب میں کہا کہ نیٹو کے 50 سالہ دور میں اجتماعی دفاع سے متعلق آرٹیکل 5 صرف ایک مرتبہ نافذ ہوا، لیکن اس بنیاد پر کوئی نیٹو کو کاغذی شیر قرار نہیں دیتا۔ترک وزیر خارجہ نے کہا کہ پاکستان، ترکیہ اور سعودی عرب کے درمیان دفاعی تعاون خطے کے امن و استحکام سے متعلق ہے اور نئے دفاعی اتحاد کے کردار کو اس کے عملی اقدامات اور حالات کے تناظر میں دیکھا جانا چاہیے۔
