بیجنگ( مانیٹرنگ ڈیسک) چین کے صدر شی جن پنگ 23 سے 25 ستمبر تک امریکا کا سرکاری دورہ کریں گے، جہاں وہ امریکی صدر ڈونلڈ ٹرمپ سے ملاقات کریں گے۔چینی وزارت خارجہ کے ترجمان گو جیاآن کے مطابق دونوں رہنما چین اور امریکا کے تعلقات، عالمی امن و ترقی اور دیگر اہم بین الاقوامی امور پر تفصیلی تبادلہ خیال کریں گے۔ یہ دورہ ایسے وقت میں ہورہا ہے جب ایران جنگ کے باعث عالمی سطح پر کشیدگی میں اضافہ ہوا ہے۔چینی حکام کا کہنا ہے کہ بیجنگ امریکا کے ساتھ مذاکرات اور تعاون کو فروغ دینے، اختلافات کو مناسب انداز میں نمٹانے اور دوطرفہ تعلقات میں استحکام لانے کا خواہاں ہے۔ دونوں رہنماؤں کی چھ ماہ کے دوران یہ دوسری ملاقات ہوگی۔
