اسلام آباد( پاکستان خبر) کروشیا کے وزیر خارجہ ڈاکٹر گورڈن گرلیچ راڈمان ایک روزہ دورے پر اسلام آباد پہنچ گئے ہیں۔دفتر خارجہ کے ترجمان کے مطابق اسلام آباد ایئرپورٹ پر وزارت خارجہ کے ڈائریکٹر جنرل یورپ ون نے کروشیا کے وزیر خارجہ کا استقبال کیا۔دورے کے دوران ڈاکٹر گورڈن گرلیچ راڈمان نائب وزیراعظم اور وزیر خارجہ سینیٹر محمد اسحاق ڈار کے ساتھ وفود کی سطح پر مذاکرات کریں گے، جبکہ وہ پاکستانی قیادت سے بھی ملاقاتیں کریں گے۔پاکستان کو امید ہے کہ کروشین وزیر خارجہ کے اس دورے سے دونوں ممالک کے درمیان باہمی دلچسپی کے مختلف شعبوں میں تعاون مزید مضبوط ہوگا اور دوطرفہ تعلقات کو فروغ ملے گا۔
