سنگاپور (کامرس ڈیسک) امریکی محکمہ خزانہ کی جانب سے ایرانی تیل کی محدود فروخت کی اجازت دینے والا 21 جون کا جنرل لائسنس منسوخ کیے جانے کے بعد عالمی منڈی میں خام تیل کی قیمتوں میں نمایاں اضافہ ریکارڈ کیا گیا ہے۔غیر ملکی خبر رساں ادارے کے مطابق کاروباری سرگرمیوں کے بعد برینٹ خام تیل کی قیمت میں 1.87 ڈالر فی بیرل اضافہ ہوا، جس کے بعد قیمت 76.03 ڈالر فی بیرل تک پہنچ گئی۔ایران پر حالیہ امریکی حملوں کے بعد امریکی خام تیل کی قیمت میں بھی 3 فیصد سے زائد اضافہ ریکارڈ کیا گیا، جس کے بعد امریکی خام تیل 72.65 ڈالر فی بیرل کی سطح پر پہنچ گیا ہے۔ماہرین کے مطابق عالمی توانائی کی سپلائی سے متعلق خدشات کے باعث خام تیل کی قیمتوں میں مزید اتار چڑھاؤ دیکھا جا سکتا ہے۔
