کراچی (کامرس ڈیسک) سندھ کے ضلع سانگھڑ سے پہلی مرتبہ یومیہ 2 ہزار بیرل خام تیل کی پیداوار کا آغاز ہو گیا ہے۔آئل اینڈ گیس ڈویلپمنٹ کمپنی لمیٹڈ (او جی ڈی سی ایل) نے تیل کے ذخائر کی دریافت سے متعلق پاکستان اسٹاک ایکسچینج کو خط ارسال کر دیا ہے۔خط کے مطابق تیل کی پیداوار کو فوری طور پر استعمال میں لانے کے لیے 4 انچ قطر اور ڈیڑھ کلومیٹر طویل پائپ لائن بچھائی گئی ہے۔ بوبی ڈیپ ون کنویں سے حاصل ہونے والی یومیہ خام تیل کی پیداوار درآمدی ایندھن پر انحصار کم کرنے میں مدد دے گی۔
