کوئٹہ( پاکستان خبر) بلوچستان کے اضلاع سوراب اور قلات سے پانچ افراد کی لاشیں برآمد ہوئی ہیں، پولیس نے واقعے کی تحقیقات شروع کر دی ہیں۔پولیس کے مطابق سوراب میں قومی شاہراہ کے قریب سے تین افراد کی لاشیں ملیں، جبکہ قلات کے علاقے رودینجو سے مزید دو افراد کی لاشیں برآمد کی گئیں۔ابتدائی تحقیقات کے مطابق تمام پانچ افراد کو فائرنگ کرکے قتل کیا گیا ہے۔پولیس حکام کا کہنا ہے کہ تاحال کسی بھی لاش کی شناخت نہیں ہو سکی، جبکہ واقعے کے مختلف پہلوؤں کا جائزہ لیا جا رہا ہے۔حکام کے مطابق لاشوں کو پوسٹ مارٹم اور دیگر قانونی کارروائیوں کے لیے متعلقہ اسپتال منتقل کر دیا گیا ہے۔ شناخت مکمل ہونے اور شواہد سامنے آنے کے بعد واقعے سے متعلق مزید معلومات فراہم کی جائیں گی۔
