کراچی( کامرس ڈیسک)عالمی اور مقامی گولڈ مارکیٹوں میں سونے کی قیمتوں میں کمی کا سلسلہ جاری ہے، جس کے نتیجے میں ملک بھر میں سونے کے نرخوں میں نمایاں کمی ریکارڈ کی گئی ہے۔آل پاکستان صرافہ ایسوسی ایشن کے مطابق 24 قیراط فی تولہ سونا 4 ہزار 100 روپے سستا ہونے کے بعد 4 لاکھ 24 ہزار 836 روپے کا ہو گیا ہے، جبکہ 10 گرام سونے کی قیمت 4 ہزار 515 روپے کمی کے بعد 3 لاکھ 64 ہزار 228 روپے ہو گئی ہے۔دوسری جانب فی تولہ چاندی کی قیمت میں 25 روپے اضافہ ریکارڈ کیا گیا، جس کے بعد اس کا نرخ 6 ہزار 349 روپے ہو گیا۔عالمی مارکیٹ میں بھی سونے کی قیمت میں کمی دیکھی گئی اور فی اونس سونا 41 ڈالر سستا ہونے کے بعد 4 ہزار 24 ڈالر کی سطح پر آ گیا۔
