تہران (مانیٹرنگ ڈیسک) ایران کے پاسدارانِ انقلاب نے دعویٰ کیا ہے کہ امریکی حملوں کے جواب میں بحرین اور کویت میں موجود امریکی تنصیبات کے 85 مقامات کو نشانہ بنایا گیا ہے۔پاسدارانِ انقلاب کے بیان کے مطابق حملوں میں بحرین میں قائم امریکی بحریہ کے ففتھ فلیٹ کے اڈے اور کویت میں علی السالم ایئربیس کو نشانہ بنایا گیا۔ایرانی فورسز کا کہنا ہے کہ یہ کارروائی امریکا کی جانب سے جنگ بندی اور اسلام آباد معاہدے کی مبینہ خلاف ورزی کے جواب میں ابتدائی ردِعمل کے طور پر کی گئی۔بیان میں دعویٰ کیا گیا کہ امریکی فضائی حملوں کے جواب میں پاسدارانِ انقلاب کی بحری اور فضائی افواج نے مشترکہ میزائل اور ڈرون کارروائیوں کے ذریعے بحرین کے پورٹ سلمان اور کویت کے علی السالم فضائی اڈے سمیت 85 اہم امریکی فوجی تنصیبات کو نشانہ بنایا۔پاسدارانِ انقلاب نے ایک امریکی ایم کیو نائن ڈرون مار گرانے کا دعویٰ بھی کیا ہے۔اس سے قبل امریکی فوج کی مرکزی کمان (سینٹ کام) نے ایران میں 80 سے زائد اہداف کو نشانہ بنانے کا اعلان کیا تھا۔
