میکرون اور محمد بن سلمان کا رابطہ، آبنائے ہرمز کی صورتحال پر گفتگو

ریاض (مانیٹرنگ ڈیسک) فرانسیسی صدر ایمانوئل میکرون اور سعودی ولی عہد شہزادہ محمد بن سلمان کے درمیان ٹیلیفونک رابطہ ہوا ہے جس میں آبنائے ہرمز کی صورتحال پر تفصیلی تبادلہ خیال کیا گیا۔سعودی میڈیا کے مطابق دونوں رہنماؤں نے امریکا اور ایران کے درمیان حالیہ کشیدگی پر گفتگو کی اور خطے میں امن و استحکام کے لیے جاری کوششوں کا جائزہ لیا۔رپورٹ کے مطابق فرانسیسی صدر اور سعودی ولی عہد نے علاقائی سلامتی کو یقینی بنانے کی ضرورت پر زور دیا اور ایران و امریکا کشیدگی میں کمی کے لیے سفارتی اقدامات کو اہم قرار دیا۔دونوں رہنماؤں نے اس بات پر بھی اتفاق کیا کہ آبنائے ہرمز میں آزادانہ اور محفوظ بحری آمدورفت ناگزیر ہے۔