ایران کے بن گورین ایئرپورٹ اور اسرائیلی تنصیبات پر میزائل حملے، دو زخمی

تل ابیب( مانیٹرنگ ڈیسک)ایران نے اسرائیل کے اہم بن گورین ایئرپورٹ پر میزائل حملے کیے، جن کے نتیجے میں ہوائی اڈے کو نقصان پہنچنے کی اطلاعات موصول ہوئی ہیں۔غیر ملکی میڈیا رپورٹس کے مطابق ایران کے داغے گئے میزائل اسرائیلی دفاعی نظام کو چکمہ دیتے ہوئے ایئرپورٹ کے علاقے میں گرے اور تنصیبات کو نقصان پہنچا۔دوسری جانب لبنان سے کیے گئے ایک میزائل حملے میں اسرائیلی فوج کا کمیونیکیشن سسٹم تباہ ہوا اور اس حملے میں دو اسرائیلی زخمی بھی ہوئے ہیں۔اس صورتحال پر ردعمل دیتے ہوئے اسرائیلی وزیر خارجہ گیدیون ساعر نے کہا کہ ایران کے ساتھ جاری جنگ اس وقت ختم ہوگی جب اسرائیل اور امریکا مناسب سمجھیں گے۔ انہوں نے مزید کہا کہ اسرائیل ایران کے ساتھ لامحدود جنگ نہیں چاہتا، تاہم اس حوالے سے فیصلہ دونوں ممالک مل کر کریں گے۔