و اشنگٹن( ویب ڈیسک) امریکی خلائی ادارے ناسا نے اپنی تقریباً 22 سال پرانی سوئفٹ آبزرویٹری کو زمین پر گرنے سے بچانے کے لیے 3 کروڑ ڈالر مالیت کے خصوصی ریسکیو مشن کا اعلان کیا ہے۔اس مشن کے تحت نجی خلائی کمپنی کیٹالِسٹ اسپیس ٹیکنالوجی کا تیار کردہ تین بازوؤں والا روبوٹک خلائی جہاز سوئفٹ آبزرویٹری کے ساتھ جڑ کر اسے زیادہ بلند اور مستحکم مدار میں منتقل کرے گا، تاکہ وہ کائنات میں طاقتور دھماکوں اور دیگر فلکیاتی مظاہر کا مشاہدہ جاری رکھ سکے۔یہ خلائی جہاز پیگاسس راکٹ کے ذریعے بحرالکاہل کے مارشل جزائر سے ایک ہوائی جہاز کی مدد سے خلا میں روانہ کیا جائے گا، جبکہ اس کی لانچنگ رواں ہفتے متوقع ہے۔
