اسلام آباد( اباسین خبر) وزیراعلیٰ خیبرپختونخوا سہیل آفریدی کے خلاف اداروں پر الزامات اور ساکھ متاثر کرنے سے متعلق کیس میں ڈسٹرکٹ اینڈ سیشن عدالت اسلام آباد نے ان کے ناقابل ضمانت وارنٹ گرفتاری برقرار رکھنے کا فیصلہ کیا ہے۔عدالت نے یہ فیصلہ سہیل آفریدی کی عدم حاضری کے باعث کیا۔عدالت نے حکم دیا کہ سہیل آفریدی کو گرفتار کرکے عدالت میں پیش کیا جائے۔ تاہم سینئر سول جج عباس شاہ کی عدم دستیابی کے باعث کیس میں مزید کارروائی نہ ہو سکی، جس کے بعد سماعت 21 جولائی تک ملتوی کر دی گئی۔واضح رہے کہ سہیل آفریدی کے خلاف پیکا قانون کے تحت قومی سائبر جرائم تحقیقاتی ادارے کی جانب سے مقدمہ درج کیا گیا ہے۔
