عالمی منڈی میں خام تیل کی قیمتیں مستحکم، پاکستان اسٹاک مارکیٹ میں تیزی

کراچی( کامرس ڈیسک) عالمی منڈی میں خام تیل کی قیمتوں میں اتار چڑھاؤ کا سلسلہ جاری ہے، جبکہ پاکستان اسٹاک ایکسچینج میں سرمایہ کاروں کے اعتماد کے باعث نمایاں تیزی ریکارڈ کی گئی۔غیر ملکی میڈیا رپورٹس کے مطابق عالمی مارکیٹ میں برینٹ خام تیل 71 ڈالر فی بیرل جبکہ امریکی خام تیل ڈبلیو ٹی آئی 68 ڈالر فی بیرل کی سطح پر فروخت ہوتا رہا۔اسی طرح متحدہ عرب امارات کا مربن خام تیل بھی 66 ڈالر فی بیرل کی سطح پر موجود رہا۔دوسری جانب ایشیائی اسٹاک مارکیٹوں میں ملا جلا رجحان دیکھنے میں آیا، جہاں کچھ مارکیٹوں میں خریداری کا رجحان غالب رہا جبکہ بعض میں سرمایہ کاروں نے حصص فروخت کیے۔ادھر پاکستان اسٹاک ایکسچینج میں کاروباری سرگرمیوں کے دوران زبردست تیزی دیکھنے میں آئی۔ کاروبار کے اختتام پر کے ایس ای 100 انڈیکس 2 ہزار 82 پوائنٹس اضافے کے بعد ایک لاکھ 87 ہزار 454 پوائنٹس کی سطح پر بند ہوا۔