کراچی( کامرس ڈیسک) پاکستان اسٹاک ایکسچینج میں کاروباری ہفتے کے چوتھے روز بھی منفی رجحان برقرار رہا، جہاں دورانِ کاروبار 100 انڈیکس میں کمی ریکارڈ کی گئی۔بازارِ حصص میں کاروبار کے دوران 100 انڈیکس 268 پوائنٹس نیچے آ گیا، جس کے بعد انڈیکس 1 لاکھ 81 ہزار 361 پوائنٹس کی سطح پر پہنچ گیا۔کاروباری سیشن کے دوران 100 انڈیکس 1 لاکھ 80 ہزار 31 پوائنٹس کی کم ترین سطح تک بھی گیا، جبکہ بلند ترین سطح 1 لاکھ 82 ہزار 276 پوائنٹس ریکارڈ کی گئی۔واضح رہے کہ گزشتہ روز کاروبار کے اختتام پر پاکستان اسٹاک ایکسچینج کا 100 انڈیکس 1 لاکھ 81 ہزار 629 پوائنٹس کی سطح پر بند ہوا تھا۔
