کراچی (کامر س ڈیسک) پاکستان اسٹاک مارکیٹ میں کاروبار کے دوران ملا جلا رجحان دیکھنے میں آ رہا ہے۔کاروباری ہفتے کے پہلے روز آغاز پر اسٹاک ایکسچینج میں تیزی دیکھی گئی اور 701 پوائنٹس کے اضافے کے ساتھ ہنڈرڈ انڈیکس ایک لاکھ 80 ہزار 272 پوائنٹس کی سطح تک پہنچ گیا۔تاہم بعد ازاں ٹریڈنگ کے دوران مارکیٹ میں اچانک مندی کا رجحان پیدا ہوا اور انڈیکس ایک لاکھ 79 ہزار 158 پوائنٹس تک گر گیا۔واضح رہے کہ گزشتہ کاروباری ہفتے کے آخری روز کاروبار کے اختتام پر ہنڈرڈ انڈیکس ایک لاکھ 79 ہزار 571 پوائنٹس کی سطح پر بند ہوا تھا۔
