کراچی (کامرس ڈیسک) پاکستان اسٹاک مارکیٹ میں کاروباری ہفتے کے تیسرے روز کاروبار کے آغاز پر شدید منفی رجحان دیکھا گیا، جہاں 100 انڈیکس میں 2700 سے زائد پوائنٹس کی کمی ریکارڈ کی گئی۔کاروبار کے دوران بڑی کمی کے باعث پاکستان اسٹاک ایکسچینج کا 100 انڈیکس ایک لاکھ 83 ہزار 528 پوائنٹس کی سطح پر آ گیا۔واضح رہے کہ گزشتہ کاروباری روز کے اختتام پر بھی اسٹاک مارکیٹ میں مندی کا رجحان برقرار رہا تھا، جہاں 100 انڈیکس 1199 پوائنٹس کی کمی کے بعد ایک لاکھ 86 ہزار 255 پوائنٹس کی سطح پر بند ہوا تھا۔
