پاکستان اسٹاک مارکیٹ میں زبردست تیزی، انڈیکس میں 1800 سے زائد پوائنٹس اضافہ

کراچی( کامرس ڈیسک) پاکستان اسٹاک مارکیٹ میں آج کاروبار کے دوران مثبت رجحان دیکھا گیا، جہاں سرمایہ کاروں کی سرگرمیوں میں اضافہ ریکارڈ کیا گیا۔کاروباری ہفتے کے پانچویں اور آخری روز مارکیٹ کے آغاز پر ہی تیزی کا رجحان برقرار رہا، جس کے نتیجے میں پاکستان اسٹاک ایکسچینج کا 100 انڈیکس 1800 سے زائد پوائنٹس اضافے کے بعد ایک لاکھ 83 ہزار 477 پوائنٹس کی سطح پر پہنچ گیا۔واضح رہے کہ گزشتہ کاروباری روز کے اختتام پر اسٹاک مارکیٹ میں کمی ریکارڈ کی گئی تھی، جب 100 انڈیکس 369 پوائنٹس کی کمی کے بعد ایک لاکھ 81 ہزار 259 پوائنٹس کی سطح پر بند ہوا تھا۔