پاکستان اسٹاک مارکیٹ میں تیزی، ہنڈرڈ انڈیکس نئی بلند ترین سطح پر پہنچ گیا

کراچی( کامرس ڈیسک) پاکستان اسٹاک مارکیٹ میں مثبت رجحان برقرار ہے اور ریکارڈ بننے کا سلسلہ جاری ہے۔کاروباری ہفتے کے دوسرے روز مارکیٹ کے آغاز پر زبردست تیزی دیکھنے میں آئی، جہاں ہنڈرڈ انڈیکس میں 600 سے زائد پوائنٹس کا اضافہ ریکارڈ کیا گیا، جس کے بعد انڈیکس ایک لاکھ 88 ہزار 126 پوائنٹس کی سطح پر پہنچ گیا۔واضح رہے کہ گزشتہ کاروباری روز کے اختتام پر بھی پاکستان اسٹاک ایکسچینج میں نمایاں تیزی دیکھی گئی تھی، جب ہنڈرڈ انڈیکس 2 ہزار 82 پوائنٹس اضافے کے بعد ایک لاکھ 87 ہزار 454 پوائنٹس کی سطح پر بند ہوا تھا۔سرمایہ کاروں کے اعتماد اور مثبت معاشی سرگرمیوں کے باعث مارکیٹ میں مسلسل بہتری کا رجحان جاری ہے۔