ریاض( کامرس ڈیسک) سعودی عرب نے ایشیائی ممالک کے لیے خام تیل کی قیمتوں میں نمایاں کمی کا اعلان کر دیا ہے۔غیر ملکی میڈیا کے مطابق سعودی عرب کی سرکاری تیل کمپنی آرامکو آئندہ ماہ ایشیا کے لیے اپنے عرب لائٹ خام تیل کی قیمت میں 11 ڈالر فی بیرل کمی کرے گی، جس کے بعد یہ تیل علاقائی معیار کے مقابلے میں 1.50 ڈالر فی بیرل رعایت پر دستیاب ہوگا۔رپورٹ کے مطابق خام تیل کی قیمت میں یہ کمی ماہرین کی توقعات سے بھی زیادہ ہے، کیونکہ بلومبرگ کے سروے میں قیمت میں تقریباً 8 ڈالر فی بیرل کمی کا امکان ظاہر کیا گیا تھا۔سعودی عرب کا یہ فیصلہ عالمی تیل مارکیٹ میں قیمتوں، طلب اور رسد کی صورتحال کو مدنظر رکھتے ہوئے کیا گیا ہے۔
