مین ہیٹن میں اقوام متحدہ کے باہر تبتی شہری کی خودسوزی، آزادی کی اپیل

نیویارک( مانیٹرنگ ڈیسک) امریکا میں جلاوطن تبتی شہری نے مین ہیٹن میں اقوام متحدہ کے ہیڈکوارٹر کے باہر خود کو آگ لگا کر خودکشی کر لی۔میڈیا رپورٹس کے مطابق متاثرہ شخص تبتی جھنڈا لے کر موقع پر پہنچا اور اسے ایک کھمبے پر نصب کرنے کے بعد خود کو آگ لگا لی۔ واقعے کے ایک منٹ سے کچھ دیر بعد فائر بریگیڈ موقع پر پہنچی اور آگ پر قابو پا لیا، تاہم اس وقت تک وہ زمین پر گر چکا تھا۔تبتی میڈیا آؤٹ لیٹ "وائس آف تبت" نے اس شخص کی شناخت تبتی کارکن لوبگا رنگزن کے طور پر کی ہے، جس نے مبینہ طور پر تبت کی آزادی اور قومی اتحاد کی اپیل کے بعد یہ قدم اٹھایا۔جلاوطن تبتی رہنما گونپو دھونڈوپ نے ایک بیان میں کہا کہ یہ واقعہ تبت پر چین کے کنٹرول اور مبینہ جبر کے خلاف احتجاج تھا۔