کراچی( کامرس ڈیسک) ملک بھر کی صرافہ مارکیٹوں میں آج سونے کی قیمتوں میں نمایاں کمی ریکارڈ کی گئی ہے جس کے بعد خریداروں کے لیے بڑی خوشخبری سامنے آگئی۔آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونا 8 ہزار 600 روپے کی بڑی کمی کے بعد 5 لاکھ 19 ہزار 962 روپے پر آ گیا ہے۔ اسی طرح 10 گرام سونے کی قیمت 7 ہزار 373 روپے کم ہو کر 4 لاکھ 45 ہزار 783 روپے کی سطح پر پہنچ گئی۔چاندی کی قیمت میں بھی کمی دیکھنے میں آئی ہے، 24 قیراط فی تولہ چاندی 501 روپے سستی ہو کر 8 ہزار 324 روپے کی ہو گئی۔دوسری جانب عالمی مارکیٹ میں بھی سونے کی قیمت میں گراوٹ ریکارڈ کی گئی جہاں فی اونس سونا 86 ڈالر کمی کے بعد 4 ہزار 972 ڈالر کی سطح پر آگیا، جس کے اثرات مقامی مارکیٹ پر بھی واضح طور پر نظر آئے۔
