ایران پر نئے امریکی حملے سے کشیدگی بڑھے گی، ترک وزیر خارجہ کا انتباہ

استنبول ( مانیٹرنگ ڈیسک) ترک وزیر خارجہ حاقان فیدان نے ایران پر کسی بھی نئے حملے کے خلاف خبردار کرتے ہوئے کہا ہے کہ اس اقدام سے خطے میں کشیدگی مزید بڑھے گی اور جاری تنازع طول پکڑ سکتا ہے۔غیر ملکی خبر رساں ادارے رائٹرز کے مطابق حاقان فیدان نے کہا کہ جنگ کے خاتمے کا واحد راستہ سفارت کاری اور مذاکرات ہیں، جبکہ ایران کے خلاف مزید فوجی کارروائی کسی مسئلے کا حل نہیں۔ترک وزیر خارجہ نے استنبول میں پریس کانفرنس سے خطاب کرتے ہوئے کہا کہ اجلاس میں شریک تمام ممالک اس بات پر متفق ہیں کہ ایران پر نیا حملہ خطے میں کشیدگی میں مزید اضافے کا سبب بنے گا۔انہوں نے کہا کہ اجلاس میں شریک کوئی بھی ملک ایران پر ایک اور فوجی حملے یا مداخلت کی حمایت نہیں کرتا۔استنبول اجلاس میں علاقائی صورتحال پر تبادلہ خیالرپورٹ کے مطابق حاقان فیدان نے استنبول میں مصر، پاکستان، سعودی عرب، جرمنی، فرانس، برطانیہ اور اٹلی کے وزرائے خارجہ سے ملاقاتیں کیں۔اجلاس میں ایران جنگ کی تازہ صورتحال، حوثی جنگجوؤں کے سعودی عرب پر حملوں اور یوکرین میں روس کی جنگ سمیت اہم علاقائی و عالمی امور پر تبادلہ خیال کیا گیا۔اجلاس میں شریک ممالک نے ایران جنگ کو مزید پھیلنے سے روکنے اور خطے میں کشیدگی کم کرنے کے لیے ممکنہ لائحہ عمل پر بھی غور کیا۔