برطانیہ کے بعد 12 ممالک کا اسرائیلی بستیوں کی اشیا پر پابندی کا اعلان

 تل ابیب( مانیٹرنگ ڈیسک)برطانیہ کے بعد کینیڈا، فرانس، اسپین اور ناروے سمیت 12 ممالک نے مقبوضہ مغربی کنارے میں قائم اسرائیلی بستیوں سے آنے والی اشیا کی درآمد پر پابندی کی حمایت کردی۔برطانوی وزیرِ اعظم اینڈی برنہم نے کہا کہ طویل عرصے تک اس خدشے کے باعث عملی اقدامات سے گریز کیا جاتا رہا کہ کہیں اسرائیل مخالف ہونے کا الزام نہ لگ جائے۔ان کا کہنا تھا کہ عملی اقدامات کے بغیر دو ریاستی حل کی بات بے معنی ہے۔واضح رہے کہ برطانیہ نے مقبوضہ مغربی کنارے میں قائم اسرائیلی بستیوں سے درآمد کی جانے والی مصنوعات پر پابندی عائد کرنے کا اعلان کیا ہے۔برطانوی وزیر خارجہ ایڈ ملی بینڈ کے مطابق بستیوں کی توسیع اور فلسطینیوں کے خلاف تشدد میں ملوث افراد اور اداروں کے خلاف مزید پابندیاں بھی عائد کی جائیں گی۔ایمنسٹی انٹرنیشنل نے برطانیہ کے فیصلے کا خیرمقدم کرتے ہوئے اسرائیل کے ساتھ فوجی تعاون ختم کرنے اور عالمی نظام انصاف کی حمایت سمیت مزید اقدامات کا مطالبہ کیا ہے۔دوسری جانب برطانوی اقدامات کے ردعمل میں اسرائیل نے مقبوضہ بیت المقدس میں برطانوی قونصل خانے کو بند کردیا۔اسرائیل نے مزید کہا کہ برطانیہ غزہ کے لیے امریکا کی قیادت میں قائم رابطہ مشن میں بھی آئندہ شریک نہیں ہوگا۔