اسلام آباد( کامرس ڈیسک)پاکستان میں گزشتہ 5 سال کے دوران تقریباً 11 ہزار ارب روپے کی ٹیکس چھوٹ دیے جانے کا انکشاف ہوا ہے۔قومی اسمبلی میں گزشتہ 5 سال کے دوران دی گئی ٹیکس چھوٹ کی تفصیلات پیش کردی گئیں۔ رکن قومی اسمبلی شائستہ پرویز کے سوال پر وزارت خزانہ نے تحریری جواب میں بتایا کہ مالی سال 2020-21 میں 1482 ارب 31 کروڑ روپے، جبکہ مالی سال 2021-22 میں 2239 ارب روپے کی ٹیکس چھوٹ دی گئی۔وزارت خزانہ کے مطابق مالی سال 2022-23 میں 2540 ارب روپے، مالی سال 2023-24 میں 2434 ارب روپے اور مالی سال 2024-25 میں 2352 ارب روپے کی ٹیکس چھوٹ فراہم کی گئی۔پارلیمانی سیکریٹری بیرسٹر سعد وسیم نے کہا کہ ٹیکسوں میں چھوٹ ٹیکس نظام کو بہتر بنانے کے لیے دی گئی ہے۔
