پاکستان ہر عالمی فورم پر کشمیریوں کی آواز بلند کرتا رہے گا، اسحاق ڈار

اسلام آباد ( پاکستان خبر) نائب وزیراعظم اسحاق ڈار نے کہا ہے کہ پاکستان ہر عالمی فورم پر کشمیری عوام کی آواز بلند کرتا رہے گا۔یوم سیاہ کشمیر کے موقع پر اپنے پیغام میں اسحاق ڈار نے کہا کہ 27 اکتوبر 1947 کو بھارتی فوج سری نگر میں داخل ہوئی، تاہم تقریباً 8 دہائیاں گزرنے کے باوجود مسئلہ کشمیر حل طلب ہے اور کشمیری عوام کو حق خودارادیت سے محروم رکھا جا رہا ہے۔انہوں نے کہا کہ اقوام متحدہ کی سلامتی کونسل کی قراردادیں مسئلہ کشمیر کے حل کی بنیاد ہیں۔ کشمیری عوام کی جدوجہد انصاف، امن اور حق خودارادیت کے حصول کے لیے ہے۔نائب وزیراعظم نے مزید کہا کہ 5 اگست 2019 کے اقدامات کے بعد مقبوضہ کشمیر کی صورتحال پر عالمی توجہ میں اضافہ ہوا ہے۔