دبئی ( مانیٹرنگ ڈیسک)دبئی کے اسلامی امور اور فلاحی سرگرمیوں کے محکمے نے 50 اعلیٰ کارکردگی دکھانے والی خواتین طلبہ کو تعلیمی کامیابی پر خصوصی انعام کے طور پر خاندان کے ہمراہ عمرہ کی زیارت کروانے کا اہتمام کیا۔ یہ انعام "Year of the Family 2026 کے تحت دیا گیا ہے۔یہ طالبات دبئی کے مختلف کمیونٹی سینٹرز سے منتخب کی گئی ہیں، جن میں المظہر اسلامک کلچرل سینٹر، امہ الشیف اسلامک کلچرل سینٹر اور ندالشیبا وویمنز سینٹر کی طالبات شامل ہیں۔ عمرہ کے سفر میں طالبات اپنے مرد سرپرستوں کے ہمراہ جائیں گی۔محکمہ کے ڈائریکٹر جنرل احمد درویش المحیری نے کہا کہ یہ اقدام تعلیم میں نمایاں کامیابی، خاندان کی معاونت اور روحانی ترقی کو یکجا کرتا ہے۔ انہوں نے مزید کہا کہ ایسے اقدامات طلبہ میں تعلیم کے لیے عزم و مستقل مزاجی کو فروغ دیتے ہیں اور خواتین میں مثبت کردار کی حوصلہ افزائی کرتے ہیں۔احمد المحیری نے یقین دلایا کہ محکمہ مستقبل میں بھی ایسے اقدامات کرے گا جو تعلیمی کامیابی، خواتین کی بااختیاری، خاندان کی مضبوطی اور اسلامی اقدار کو فروغ دیں، تاکہ معاشرے میں باعلم اور مثبت کردار ادا کرنے والی خواتین پیدا ہوں۔
