افغانستان میں طالبان مخالف مسلح مزاحمت میں تیزی، بدخشاں میں حملے

 کابل( مانیٹر نگ ڈیسک)میڈیا رپورٹس کے مطابق افغانستان کے مختلف علاقوں میں طالبان مخالف مسلح گروہوں کی کارروائیاں بڑھ گئی ہیں۔ بدخشاں میں افغان فریڈم فرنٹ نے طالبان کے ٹھکانوں پر حملوں کا دعویٰ کیا ہے، جبکہ حالیہ دنوں میں علاقے میں جھڑپوں کے دوران طالبان کے جانی نقصان کی اطلاعات بھی سامنے آئی ہیں۔افغان فریڈم فرنٹ کے مطابق بدخشاں کے زیبا ک ضلع میں طالبان کے خلاف کارروائیوں میں متعدد اہلکار ہلاک اور زخمی ہوئے۔ گروپ نے طالبان کے گورنر آفس اور سکیورٹی تنصیبات کو بھی نشانہ بنانے کا دعویٰ کیا ہے۔ تاہم ان دعوؤں کی آزادانہ طور پر مکمل تصدیق نہیں ہوسکی۔رپورٹس کے مطابق شمالی اور شمال مشرقی افغانستان میں طالبان مخالف مسلح سرگرمیوں میں حالیہ ہفتوں کے دوران اضافہ ہوا ہے، بالخصوص بدخشاں میں صورتحال کشیدہ ہے۔