واشنگٹن( مانیٹرنگ ڈیسک)امریکی جریدے فنانشل ٹائمز نے بھارتی ریاست اتر پردیش کے وزیراعلیٰ یوگی آدتیہ ناتھ کی سیاست اور ہندوتوا نظریے سے وابستگی پر رپورٹ شائع کی ہے۔ رپورٹ میں ان کے مسلمانوں سے متعلق جارحانہ اور متنازع بیانات کا بھی ذکر کیا گیا ہے۔رپورٹ کے مطابق یوگی آدتیہ ناتھ وزیراعظم نریندر مودی کی طرح مضبوط ہندو قوم پرستانہ مؤقف رکھتے ہیں، جبکہ ناقدین ان کی سیاست کو مسلم اقلیت کے حوالے سے تقسیم پیدا کرنے والی قرار دیتے ہیں۔فنانشل ٹائمز کی رپورٹ میں یوگی کا 2020 میں بی بی سی کو دیا گیا انٹرویو بھی شامل کیا گیا، جس میں انہوں نے تقسیم ہند کے بعد بھارت میں رہنے والے مسلمانوں کے حوالے سے متنازع بیان دیا تھا۔
