بنگلادیش کا پاکستان، سعودی عرب اور ترکیہ کے دفاعی فریم ورک میں شمولیت پر مثبت عندیہ

بنگلادیش( مانیٹرنگ ڈیسک)بنگلادیش نے پاکستان، سعودی عرب اور ترکیہ کے درمیان قائم دفاعی تعاون کے فریم ورک میں شمولیت کے امکان پر مثبت مؤقف اختیار کرلیا۔بنگلادیشی وزیراعظم طارق رحمان کے خارجہ امور کے مشیر ہمایوں کبیر نے کہا ہے کہ ڈھاکا اپنے قومی مفادات اور عالمی معیشت و تجارت میں بدلتی صورتحال کو مدنظر رکھتے ہوئے تینوں ممالک کے اقتصادی یا دفاعی فریم ورک میں شمولیت کے امکان کا جائزہ لے رہا ہے۔ہمایوں کبیر کے مطابق بنگلادیش پاکستان کے ساتھ معمول کے سفارتی روابط مزید مضبوط بنانے، تجارت بڑھانے اور دونوں ملکوں کے عوامی روابط کو فروغ دینے کے لیے بھی اقدامات کر رہا ہے۔سعودی ولی عہد محمد بن سلمان کی دعوت پر وزیراعظم طارق رحمان کے آئندہ سعودی عرب کے دورے کی بھی توقع ظاہر کی گئی ہے۔