اسلام آباد( پاکستان خبر)پی ٹی آئی نے بانی عمران خان کو اسپتال منتقل کرنے سے متعلق سپریم کورٹ کے 18 اگست کے حکم پر عمل نہ ہونے کا الزام عائد کرتے ہوئے توہینِ عدالت کی درخواست دائر کردی۔درخواست میں ذمہ داران کو شوکاز نوٹس جاری کرنے، ذاتی حیثیت میں طلب کرنے اور توہینِ عدالت کا مرتکب قرار دے کر قانون کے مطابق سزا دینے کی استدعا کی گئی ہے۔پی ٹی آئی نے عمران خان کو فوری طور پر شفا انٹرنیشنل اسپتال اسلام آباد منتقل کرکے طبی معائنہ کرانے اور عدالتی حکم پر عمل درآمد یقینی بنانے کے لیے عدالتی افسر یا لوکل کمیشن مقرر کرنے کی بھی درخواست کی ہے۔درخواست عزیر بھنڈاری اور سلمان اکرم راجا کی جانب سے دائر کی گئی، جبکہ عدالت اس معاملے کی سماعت 16 ستمبر تک ملتوی کرچکی ہے۔
عمران خان کی اسپتال منتقلی: عدالتی حکم کی خلاف ورزی پر سپریم کورٹ میں توہینِ عدالت کی درخواست
واپس خبروں پر
Category:
پاکستان