راجستھان میں کاکروچ جنتا پارٹی کارکنوں پر حملے کا الزام، بی جے پی سے وابستگی کا دعویٰ

 راجستھان( مانیٹرنگ ڈیسک)بھارتی ریاست راجستھان کے جے پور میں کاکروچ جنتا پارٹی کے کارکنوں نے الزام عائد کیا ہے کہ سرکاری اسکول کے دورے کے دوران انہیں تشدد کا نشانہ بنایا گیا اور گاڑیوں کے شیشے توڑ دیے گئے۔ پارٹی کے سربراہ ابھیجیت دیپکے نے مبینہ حملے کا الزام بی جے پی سے وابستہ افراد پر عائد کیا ہے۔رپورٹس کے مطابق واقعہ رام پورہ کنورپورہ گاؤں میں پیش آیا، جہاں کاکروچ جنتا پارٹی کی ٹیم سرکاری اسکول کی حالت کا جائزہ لینے پہنچی تھی۔ پارٹی کے شریک کنوینر آشوتوش رنکا سمیت کارکنوں نے حملے اور پولیس کی جانب سے بروقت مداخلت نہ کرنے کا دعویٰ کیا۔تاہم بی جے پی نے حملے میں اپنے کارکنوں کے ملوث ہونے کے الزامات مسترد کردیے ہیں، جبکہ مقامی دیہاتیوں نے بھی کاکروچ جنتا پارٹی کے مؤقف کی تردید کی ہے۔ معاملے پر فریقین کے متضاد دعوے سامنے آئے ہیں۔