لاہور ( سپورٹس ڈیسک)لیڈز ٹیسٹ میں انگلینڈ کے ہاتھوں شکست کے بعد پاکستان کے قائم مقام کپتان سلمان علی آغا نے اعتراف کیا ہے کہ ٹیم کی بیٹنگ اور بولنگ میں تسلسل کا فقدان رہا۔سلمان علی آغا نے کہا کہ انگلینڈ نے میچ کے تمام شعبوں میں بہتر کارکردگی دکھائی، جبکہ پاکستان کے بولرز نے اس سے قبل ویسٹ انڈیز میں اچھا پرفارم کیا تھا۔انہوں نے کہا کہ انگلینڈ کی کنڈیشنز میں مسلسل اچھی کارکردگی دکھانا ضروری ہے اور امید ہے کہ بابر اعظم اگلے ٹیسٹ میں ٹیم کا حصہ ہوں گے۔سلمان علی آغا کے مطابق لیڈز ٹیسٹ میں علی عثمان کی بولنگ اور عبداللہ شفیق کی بیٹنگ نمایاں رہی۔
