گوادر ( کامرس ڈیسک) بندرگاہی سرگرمیوں میں نمایاں اضافہ دیکھنے میں آ رہا ہے، جہاں ایک اور بحری جہاز بڑی مقدار میں سامان لے کر پہنچ گیا ہے، جس سے تجارتی سرگرمیوں میں تیزی کا عندیہ مل رہا ہے۔وفاقی وزیر بحری امور محمد جنید انوار چودھری نے بتایا کہ کارگو بردار جہاز ہزاروں میٹرک ٹن سامان لے کر گوادر پہنچا، جو بندرگاہ کی بڑھتی ہوئی اہمیت کی علامت ہے۔انہوں نے کہا کہ بندرگاہ پر کاروباری سرگرمیوں میں تیزی آ رہی ہے اور عالمی سطح پر جہاز رانی کمپنیوں کا اعتماد بھی بحال ہو رہا ہے، جو ملکی معیشت کے لیے خوش آئند ہے۔وزیر بحری امور کے مطابق کارگو جہازوں کی آمد میں مسلسل اضافہ ہو رہا ہے، جس کے باعث گوادر کی اہمیت خطے میں مزید بڑھ رہی ہے، جبکہ حکومت بندرگاہی نظام کو جدید اور مؤثر بنانے کے لیے اقدامات کر رہی ہے۔انہوں نے اس عزم کا اظہار کیا کہ سرمایہ کاروں اور جہاز رانی کمپنیوں کو مکمل سہولیات فراہم کی جائیں گی تاکہ گوادر کو خطے میں تجارتی مرکز کے طور پر مزید فروغ دیا جا سکے اور اسے عالمی معیار کی بندرگاہ بنایا جا سکے۔
