کا بل( مانیٹرنگ ڈیسک)افغانستان میں بڑھتی مہنگائی، بے روزگاری اور امن و امان کی صورتحال پر طالبان حکومت کے خلاف آوازیں بلند ہونے لگی ہیں۔رپورٹس کے مطابق ملک میں موجودہ حالات، معاشی مشکلات اور عوامی مسائل کے باعث طالبان حکومت پر تنقید میں اضافہ دیکھا جا رہا ہے، جبکہ بعض حلقوں کی جانب سے حکومت کی پالیسیوں پر سوالات اٹھائے جا رہے ہیں۔کابل سے ایک افغان شہری نے ویڈیو پیغام میں دعویٰ کیا کہ طالبان حکومت کی پالیسیوں کے باعث مہنگائی اور بے روزگاری میں اضافہ ہوا ہے۔ اس نے کہا کہ افغان عوام کو اپنے مسائل کے حل کے لیے خود آواز بلند کرنا ہوگی۔ویڈیو پیغام میں شہری نے طالبان حکومت کی پالیسیوں پر تنقید کرتے ہوئے عوام سے تبدیلی کے لیے کردار ادا کرنے کی اپیل بھی کی۔دوسری جانب جلال آباد کے ایک شہری نے بھی موجودہ صورتحال پر تحفظات کا اظہار کیا۔ اس کا کہنا تھا کہ ماضی میں زرعی پیداوار اور انگوروں کے حوالے سے مشہور جلال آباد اب مشکلات کا شکار ہے۔شہری نے الزام عائد کیا کہ مقامی افراد مختلف مسائل کا سامنا کر رہے ہیں اور طالبان قیادت کو عوامی مشکلات کا مکمل ادراک نہیں۔افغانستان میں طالبان حکومت کے طرز حکمرانی، معاشی حالات اور سکیورٹی صورتحال پر اندرون اور بیرون ملک مختلف آراء سامنے آتی رہی ہیں، جبکہ ملک میں سیاسی اور سماجی چیلنجز بدستور موضوع بحث ہیں۔
