طالبان دور میں افغانستان ناکام ریاست اور دہشتگردوں کی محفوظ پناہ گاہ بن گیا: امریکی تھنک ٹینک

واشنگٹن( مانیٹرنگ ڈیسک)امریکی تھنک ٹینک ’صوفان سینٹر‘ نے طالبان کے زیر اقتدار افغانستان کو ناکام ریاست قرار دیتے ہوئے کہا ہے کہ ملک دہشتگرد گروہوں اور پرتشدد عناصر کیلئے محفوظ پناہ گاہ بنا ہوا ہے۔رپورٹ کے مطابق القاعدہ افغانستان میں قائم تربیتی مراکز کے ذریعے فتنہ الخوارج کو تربیت فراہم کررہی ہے، جبکہ طالبان کی سخت پالیسیوں اور شدت پسند گروہوں سے روابط نے ملک میں عدم استحکام اور جرائم کو بڑھا دیا ہے۔طالبان کے اقتدار میں آنے کے بعد افغانستان عالمی سطح پر تنہائی کا شکار ہے اور معیشت بھی زوال پذیر ہے، جبکہ ملک اب بھی منشیات کی عالمی اسمگلنگ کے اہم مراکز میں شمار ہوتا ہے۔