لندن (ویب ڈیسک)برطانوی مصنوعی ذہانت کے اسٹوڈیو موڈ لیبز اے آئی نے اے آئی کی مدد سے مکمل طور پر تیار کردہ کامیڈی سِٹ کام ’’نو بِگ ڈِیل‘‘ یوٹیوب پر پیش کردیا۔اینڈریو ڈکسن کی تحریر کردہ سِٹ کام کی کہانی سرمایہ کاری کی دنیا کے گرد گھومتی ہے، جہاں جینَس نامی فرم کی ایک انوکھی ٹیم اربوں پاؤنڈ مالیت کے کاروباری منصوبے تلاش کرتی ہے، تاہم ان کی بیشتر کوششیں مزاحیہ اور تباہ کن نتائج کا سبب بنتی ہیں۔اینڈریو ڈکسن کے مطابق ابتدا میں انہوں نے پائلٹ قسط روایتی ٹی وی پروڈکشن کے ذریعے بنانے کا ارادہ کیا تھا، لیکن جلد ہی اندازہ ہوگیا کہ یہ طریقہ نہ صرف وقت طلب بلکہ انتہائی مہنگا بھی ہوگا۔ڈکسن کا کہنا ہے کہ موڈ لیبز کی ٹیم سے ملاقات کے بعد انہیں معلوم ہوا کہ مصنوعی ذہانت اس منصوبے کو حقیقت میں بدلنے کا ایک بالکل نیا راستہ فراہم کرسکتی ہے۔
