یمن( مانیٹرنگ ڈیسک)یمن کی تسلیم شدہ حکومت کے فوجی ترجمان نے دعویٰ کیا ہے کہ فضائیہ نے صوبہ طائز میں حوثی جنگجوؤں کے ٹھکانوں پر صرف تین گھنٹوں کے دوران 20 فضائی حملے کیے ہیں، جن میں ان کے سازوسامان اور فوجی نقل و حرکت کو نشانہ بنایا گیا۔ دوسری جانب سعودی عرب نے الزام عائد کیا ہے کہ حوثیوں نے مدینہ منورہ میں مسجد نبوی کو بجلی فراہم کرنے والے گرڈ اسٹیشن کو نشانہ بنایا، جبکہ حوثیوں نے اس الزام کی تردید کی ہے۔
