مظفرآباد( پاکستان خبر) آزادکشمیر قانون ساز اسمبلی کی 8 مخصوص نشستوں پر انتخاب کے لیے کاغذات نامزدگی کل 20 اگست کو جمع کرائے جائیں گے۔انتخابی شیڈول کے مطابق امیدوار صبح 8 بجے سے دوپہر 2 بجے تک کاغذات نامزدگی جمع کراسکیں گے، جبکہ اسی روز جانچ پڑتال کے بعد امیدواروں کی فہرست جاری کردی جائے گی۔کاغذات نامزدگی کے خلاف اپیلیں 21 اگست کو دائر ہوں گی، جن پر 22 اگست کو سماعت اور فیصلے کیے جائیں گے۔ امیدوار 23 اگست کو دستبردار ہوسکیں گے، جس کے بعد حتمی فہرست جاری ہوگی۔مخصوص نشستوں پر پولنگ 24 اگست کو صبح 10 بجے سے دوپہر ایک بجے تک اسمبلی ہال، بلاک 12 سول سیکرٹریٹ مظفرآباد میں ہوگی۔8 مخصوص نشستوں میں 5 خواتین، ایک علماء و مشائخ، ایک بیرون ملک مقیم ریاستی باشندوں اور ایک نشست ٹیکنوکریٹس و پیشہ ور افراد کے لیے مختص ہے۔
