اسلام آباد( کامرس ڈیسک) وزیرِ پٹرولیم علی پرویز ملک نے کہا ہے کہ اس ہفتے پٹرول اور ڈیزل کی بین الاقوامی قیمتوں کے اشاریوں کا جائزہ لیا جائے گا۔وفاقی وزیر علی پرویز ملک نے سماجی رابطے کی ویب سائٹ ایکس پر اپنے بیان میں کہا کہ حکومت کسی بھی شعبے کو غیر ضروری ترجیح نہیں دے رہی اور نہ ہی کسی پر اضافی بوجھ ڈالا جا رہا ہے۔انہوں نے کہا کہ حکومت اپنی بین الاقوامی ذمہ داریوں کے دائرہ کار میں رہتے ہوئے صارفین تک زیادہ سے زیادہ فائدہ پہنچانے کے لیے پُرعزم ہے۔وزیر پٹرولیم کے مطابق وزیراعظم کی جانب سے اب تک ڈیزل کی قیمت میں 200 روپے فی لیٹر اور پٹرول کی قیمت میں 155 روپے فی لیٹر کمی کی جا چکی ہے۔ انہوں نے کہا کہ اس ہفتے دوبارہ بین الاقوامی قیمتوں کے اشاریوں کا جائزہ لیا جائے گا۔
پٹرول اور ڈیزل کی قیمتوں سے متعلق بین الاقوامی اشاریوں کا جائزہ لیا جائے گا: وزیر پٹرولیم
واپس خبروں پر
Category:
کامرس