لاہور ( سپورٹس ڈیسک)قومی ٹیسٹ ٹیم کے ہیڈ کوچ سرفراز احمد کو اچانک عہدے سے ہٹائے جانے کے معاملے میں معروف اسپورٹس صحافی عبدالماجد بھٹی نے اہم انکشاف کیا ہے۔عبدالماجد بھٹی کے مطابق متعدد صحافیوں نے اس بات کی تحقیق کرنے کی کوشش نہیں کی کہ سرفراز احمد سمیت کھلاڑیوں اور عمر گل کو واپس بھیجنے کی اصل وجہ کیا تھی۔انہوں نے دعویٰ کیا کہ سرفراز احمد کو عاقب جاوید کی جانب سے پیغام موصول ہوا تھا کہ لارڈز ٹیسٹ میں عبید شاہ یا عامر جمال کو لازمی کھلایا جائے، جبکہ محمد رضوان کو ٹیم سے باہر کرکے غازی غوری کو ٹیسٹ ڈیبیو کرایا جائے۔ماجد بھٹی کے مطابق سرفراز احمد نے اس معاملے پر کپتان بابر اعظم سے بات کی تو انہوں نے واضح طور پر کہا کہ وہ محمد رضوان اور خرم شہزاد کے ساتھ ہی میدان میں اترنا چاہتے ہیں۔اسپورٹس صحافی کا کہنا تھا کہ مبینہ طور پر یہی معاملہ ناراضی کا سبب بنا اور لارڈز ٹیسٹ کے بعد سرفراز احمد کو کوچنگ سے ہٹا دیا گیا۔
